Истражувањата во областа на вештачката интелигенција најчесто се фокусирани на тоа што AI ќе може да прави во иднина, а овој пристап создава анксиозност кај новите генерации. Двајца истражувачи од MIT Sloan помогнаа да се промени перспективата, а нивната работа им даде надеж на луѓето. Тие го поставуваат прашањето: „Кои човечки способности ги надополнуваат недостатоците на вештачката интелигенција?“. Фокусирајќи се на човечките способности, а не на моменталните можности на AI, тие го префрлаат наративот од супституција кон човеко-центриран пристап. Истражувањето на Изабела Лоаиза и Роберто Ригобон воведува нов параметар според кој можеме да ги разгледуваме поединечните работи и нивната иднина. Станува збор за индекс под името EPOCH, опишан во трудот.
Што значи EPOCH?
Секое буква во акронимот одговара на збир на човечки особини кои AI сè уште не ги поседува.
- E означува емпатија – особина што AI може да ја симулира, но таа е суштински човечка.
- P значи присутност – дали мора физички да бидеме присутни за да извршиме задача. Многу административни работници денес ја наоѓаат својата сигурност во извршување физички задачи.
- O стои за opinion (мислење) и ја опфаќа целата морална и етичка димензија со која се соочуваат луѓето.
- C е creativity (креативност). Вештачката интелигенција може да помогне при осмислување идеи, но бидејќи нема емоционална длабочина, нејзината креативност често се нарекува „псевдо-креативност“.
- H симболизира hope (нада). Оваа категорија ги обединува Надежта, Визијата и Лидерството – неопходни особини за многу менаџерски работи.
Новинарката Сели Хелм за емисијата Planet Money истакна колку била изненадена од листата на истражувањето: „Близу врвот на листата, на пример, е директорот за управување со вонредни ситуации. Тоа се луѓе кои се подготвуваат за катастрофи, а потоа доаѓаат по катастрофата за да помогнат во справувањето со последиците. Работата бара многу расудување, многу емпатија и многу присутност. Всушност, менаџерите од сите видови постигнале високи резултати на EPOCH индексот.“
Позитивна статистика
На ниво на професии, резултатите на EPOCH покажуваат позитивна статистичка поврзаност со растот на вработеноста во периодот од 2016 до 2023 година. Ваквите истражувања се значајни затоа што ни помагаат да ја прифатиме неизбежната промена без страв. Не постои конкретна листа на „сигурни“ професии и никогаш нема да постои. Утехата што ја дава оваа статистика е во тоа што факторот на човечноста е незаменлив.
Можеби ако поверуваме дека е невозможно да се реплицира длабочината на идејниот свет на поединецот, полесно ќе ги прифатиме промените во доменот на технологијата. Како што денес ни е незамисливо дека луѓето на почетокот на осумдесеттите години се плашеа од компјутерите, кои сега се дел од секојдневието можно е и вештачката интелигенција да ја чека иста судбина.
Извор: web-mind.rs
